काठमाडौं - जनता समाजवादी पार्टीका संघीय परिषद् अध्यक्ष एवं पूर्वप्रधानमन्त्री डा. बाबुराम भट्टराईले वर्तमान र पूर्वप्रधानमन्त्री बाहेकको सरकार बनाउन सुझाव दिएका छन्।
उनले देशको संकट हल गर्न भन्दै सामाजिक सञ्जालमा ४ सुझाव दिँदै उक्त कुरा बताएका हुन्।
'देशको संकट हल गर्न यसो गरौं', उनले लेखेका छन्, '१. धारा ७६ (२) वमोजिम सबै दलको सहभागिता र वर्तमान/पूर्व प्रधानमन्त्री बाहेककाको नेतृत्वमा राष्ट्रिय सरकार बनाऔं। २. दलका प्रमुख/पूर्वप्रधानमन्त्री रहेको निर्देशक समिति बनाऔं। ३. साझा न्यूनतम कार्यक्रम (कोभिड नियन्त्रण, टिआरसी/मुद्दा, संविधान संशोधन, आर्थिक राहत लागू गरौं। ४. एक वर्षभित्र चुनाव गरौं।'
देशको संकट हल गर्न यसो गरौं:१.धारा७६(२)वमोजिम सबै दलको सहभागिता र वर्तमान/पूर्व प्रम वाहेककाको नेतृत्वमा राष्ट्रिय सरकार बनाऔं;२.दलका प्रमुख/पूर्व प्रम रहेको निर्देशक समिति;३.साझा न्यूनतम कार्यक्रम(कोभिड नियन्त्रण,TRC/मुद्दा,संविधान संशोधन,आर्थिक राहत इ.)लागू४.एक बर्षभित्र चुनाव!
— Baburam Bhattarai (@brb1954) May 12, 2021