काठमाडौं– देशका अधिकांश भूभागमा चट्याङ र हावाहुरीसहित वर्षा गराउने बादल विकसित भइरहेको भन्दै सतर्कता अपनाउन जल तथा मौसम विज्ञान विभागले आग्रह गरेको छ।
अहिले भर्खर ट्विट गर्दै विभागले भनेको छ, ‘हाल देशका अधिकांश भूभागमा मेघ गर्जन, चट्टयाङ, हावाहुरी र असिनासहित वर्षा गराउने बादल विकसित भैरहेको हुनाले आवश्यक सतर्कता अपनाउन हुन अनुरोध छ ।’
बिहान सफा देखिएको मौसम मध्याह्नमा बदली भएर काठमाडौं उपत्यकामा वर्षासमेत भइरहेको छ।