विश्वासको मत नदिने सांसदलाई एमालेले कारबाही गर्ने

काठमाडौं– नेकपा एमालेका प्रमुख सचेतक विशाल भट्टराईले प्रधानमन्त्रीलाई विश्वासको मत नदिने एमालेका सांसदलाई ह्वीप उल्लंघन गरेकोमा कारवाही हुने बताएका छन्। 

संसद भवनबाट बाहिरिने क्रममा सञ्चारकर्मीहरुलाई छोटो प्रतिक्रिया दिँदै उनले दलको विधान अनुसार कारबाही हुने बताए। ‘आफ्नै दलबाट मत प्रधानमन्त्रीलाई विश्वासको मत नदिनु ऐतिहासिक घटना हो,’ उनले भने,‘ यसलाई हामीले गम्भीर रुपमा लिएका छौं।’

उनले पार्टीको विधान र राजनैतिक दलसम्बन्धी ऐन अनुसार आवश्यक कारबाही अघि बढ्ने बताए। ‘ह्वीप उल्लंघन गरेकाले कारबाहीका लागि केन्द्रीय समितिको बैठक बस्नुपर्छ,’उनले भने,‘त्यसपछि प्रक्रिया अघि बढ्छ।’

सोमबार प्रतिनिधि सभाको बैठकमा भएको मतदानमा प्रधानमन्त्रीले मागेको विश्वासको मतको पक्षमा ९३ मत मात्रै खसेको छ। विपक्षमा भने १२४ मत खसेको थियो।