साइकल बिजुलिको पोलमा ठोक्किँदा १० वर्षीय बालकको मृत्यु

काठमाडौं - सूर्यविनायक नगरपालिका भक्तपुरमा साइकल नियन्त्रण गर्न नसक्दा १० वर्षीय बालकको ज्यान गएको छ।

सूर्यविनायक नगरपालिका–८ सिपाडोल सडकमा साइकल अनियन्त्रित भई बिजुलिको पोलमा ठोक्किँदा दोलखा मेलुङ गाउँपालिका–३ का १० वर्षीय करुण थापाको मृत्यु भएको हो।

साइकल बिजुलिको पोलमा ठोक्किँदा गम्भीर घाइते भएका थापाको उपचारको क्रममा मध्यपुर अस्पतालमा मृत्यु भएको प्रहरीले जनाएको छ।

दुर्घटनामा घाइते भएका साइकल चालक सिपाडोल बस्ने १३ वर्षिय सुरेश घतानीको उपचार भइरहेको छ।