ओली–नेपाल पक्षका नेताको छलफल निष्कर्षविहीन

काठमाडौं– नेकपा एमालेका अध्यक्ष केपी ओली र वरिष्ठ नेता माधवकुमार नेपाल पक्षका दोस्रो तहका नेताहरुबीचको छलफल सकिएको छ। 

सिंहदरबारस्थित नेकपा एमाले संसदीय दलको कार्यालयमा ओली पक्षीय नेता विष्णु पौडेल र माधव पक्षीय नेताहरु घनश्याम भुसाल, योगेश भट्टराई र गोकर्ण विष्टसँग छलफल भएको थियो।

छलफलमा सकारात्मक कुरा भए पनि ठोस निचोड ननिस्केको नेता योगेश भट्टराईले सञ्चारकर्मीहरुलाई जानकारी दिए। ‘एमालेको एकता जोगाउने विषयमा नै केन्द्रीत भएको छ। सकारात्मक नै भएको छ कुरो,’ उनले भने,‘आशा गर्छौं अझै पनि समय छ।’

उनले मतदान शुरु भन्दा अघिसम्म पनि आफूहरुले राखेको प्रस्तावमा सहमति भए अवस्था फरक हुन सक्ने बताए। उनले आजको बैठकमा नत्र अनुपस्थित हुने निर्णय यसअघि नै भइसकेको बताए।