काठमाडौं- पहिरोका कारण सिद्धार्थ राजमार्ग अवरुद्ध भएको छ । पाल्पाको तानसेन नगरपालिका–८ भालेबासमा पहिरो खस्दा बुटवल–पाल्पा सडकखण्ड अवरुद्ध भएको हो ।
सडक अवरुद्ध भएपछि यो सडकखण्ड भएर आवत–जावत गर्ने यात्रु समस्यामा परेका छन् । विहीबार राति पानी परेसंगै खसेको पहिरो पन्छाउनका लागि डोजरसहित प्रहरी खटिएको ट्राफिक प्रहरीले जनाएको छ ।
सडक अवरुद्ध भएपछि पाल्पा, गुल्मि र बुटवलका लागि छुटेका यात्रु बढी समस्यामा परेका छन् ।
प्रकाशित: Dec 31, 2017| 18:23 आइतबार, पुस १६, २०७४