काठमाडौं- सन् २०२२ का लागि अमेरिकी डाइभर्सिटी भिसा (डीभी) कार्यक्रमको नतिजा आज (शनिबार) प्रकाशन हुने भएको छ। नेपालस्थित अमेरिकी दूतावासले डाइभर्सिटी भिसा २०२२ को नतिजा नेपाली समयअनुसार राति ९:४५ बजेपछि हेर्न सकिने जानकारी दिएको छ।
अमेरिकी विदेश मन्त्रालयको साइट डिभीप्रोग्राम डट स्टेट डट जिओभी dvprogram.state.gov मा नतिजा हेर्न सकिने दूतावासले प्रष्ट पारेको छ। नतिजा हेर्न आवेदन दिँदा उपलब्ध गराइएको कन्फर्मेसन नम्बर चाहिन्छ।
छनोट हुन सफल आवेदकलाई त्यसपछिको प्रकृयाको बारेमा जानकारी उक्त साइटमा नै उपलब्ध हुने समेत दूतावासले प्रष्ट पारेको छ। अमेरिकी सरकारका कुनै निकायले डिभी कार्यक्रममा छनौट भएको भन्ने व्यहोराको इमेल नपठाउने र त्यसरी इमेल प्राप्त भए त्यसलाई विश्वास नगर्नसमेत दूतावासले सचेत बनाएको छ।