प्रहरीमा एआर्इजीको संख्या घट्ने, डीआर्इजीको बढ्ने

काठमाडौं- सरकारले एआर्इजीको दरबन्दी घटाएर पाँच मात्र कायम गर्ने भएको छ । गृह मन्त्रालयको कानुन महाशाखाले तयार गरेको संघीय प्रहरीको प्रस्तावित ऐनको मस्यौदामा पाँच जना एआर्इजी हुने प्रावधान राखिएको स्रोतले जनाएको छ ।

सरकारले केही समयअघि एआर्इजीको संख्या बढाएर १५ पुर्‍याएको थियो । तत्कालीन प्रधानमन्त्री शेरबहादुर देउवा नेतृत्वको सरकारले प्रदेशको कमान्ड एआर्इजीलार्इ दिने गरी संख्या बढाएको थियो । 

प्रहरीमा डीआर्इजीको दरबन्दी ३४ छ, जुन अझै बढ्न सक्ने स्रोतले जनाएको छ । नेपाल प्रहरीमा अहिले प्रहरी महानिरीक्षक (आर्इजीपी) एक, एआर्इजी १५, डीआर्इजी ३४, एसएसपी ७६, एसपी १५७, डीएसपी ४१८ र प्रहरी निरीक्षकको दरबन्दी एक हजार १३ सय ५४ छ ।

नयाँ बन्ने संघीय प्रहरी ऐनमा नेपाली प्रहरीको ३० वर्षे सेवा अवधि हटाउने प्रावधान समावेश गर्ने सम्बन्धमा पनि छलफल भइरहेको छ ।