काठमाडौं- निर्वाचन आयोगले तत्कालीन एमाले र माओवादी केन्द्र एकीकरणबाट बनेको नेपाल कम्युनिष्ट पार्टी (नेकपा) निर्वाचन आयोगमा दर्ता भएको छ।
वुधबार बसेको आयोगको बैठकले नेपाल कम्युनिष्ट पार्टी(नेकपा)लाई दल दर्ताको मान्यता दिइएको निर्वाचन आयुक्त नरेन्द्र दाहालले बताए । दर्ता भएको दल नेकपालाई आजै निर्वाचन आयोगले प्रमाण पत्र दिने भएको छ।
यसका लागि आज दिउसो नेकपाका महासचिव बिष्णृ पौडेलेको नेतृत्वमा निर्वाचन आयोगमा जाने भएका छन् ।
पार्टी एकीकरणपछि नेकपाले गत ३ गते निर्वाचन आयोगमा दर्ताका लागि निवेदन दिएको थियो । निर्वाचन आयोगमा ऋषि कट्टेलको नेतृत्वको पार्टीसँग नाम जुधेपछि नेपाल कम्युनिष्ट पार्टी अण्डरलाईन दर्ता गरिएको थियो।
नेकपाले नाम जुधेपछि नेपाल कम्युनष्टि पार्टी(नेकपा) नाम परिवर्तनका लागि निवेदन दिएका थियो ।
प्रकाशित: Dec 31, 2017| 18:23 आइतबार, पुस १६, २०७४