लुम्बिनीमा तेस्रो पटक मन्त्रिपरिषद् विस्तार

बुटवल- लुम्बिनी प्रदेशमा तेस्रो पटक मन्त्रिपरिषद् विस्तार गरिएको छ।  मुख्यमन्त्री शंकर पोखरेलको सिफारिसमा प्रदेश प्रमुख धर्मनाथ यादवले मंगलबार तीन जना मन्त्री थप गरेर मन्त्रिपरिषद् विस्तार गरेका हुन्। 

थप गरिएका मन्त्रीमा रुपन्देहीका भोजप्रसाद श्रेष्ठ (स्वास्थ्य तथा जनसंंख्या), अर्घाखाँचीका चेतनारायण आचार्य (आन्तरिक मामिला तथा कानुन) र धर्मबहादुर लाल श्रीवास्तव (शिक्षा तथा सामाजिक विकास) छन्। 

योसँगै लुम्बिनी प्रदेशको मन्त्रिपरिषद् नौ सदस्यीय भएको छ। केही मन्त्रीको भने जिम्मेवारीसमेत हेरफेर गरिएको प्रदेश प्रमुखको कार्यालयले जनाएको छ।