काठमाडौं- राष्ट्रियसभामा नेपाली कांग्रेस संसदीय दलको नेतामा सुरेन्द्र पाण्डे चयन भएका छन् ।
पाण्डेलाई नेपाली कांग्रेसका सभापति तथा संसदीय दलका नेता शेरबहादुर देउवाले बुधवार संसदीय दलको नेतामा मनोनय गरेका हुन् ।
नेपाली कांग्रेस संसदीय दलको विधान बमोजिम राष्ट्रियसभा सदस्य पाण्डेलाई राष्ट्रिय सभाका लागि संसदीय दलको नेता पदमा मनोनयन गरेको कांग्रेस प्रमुख सचेतक बालकृष्ण खाँडले जानकारी दिए ।
गोरखाका पाण्डे खाँड तरुण दल अध्यक्ष हुँदा महासचिव थिए । कांग्रेस केन्द्रीय सदस्य रहेका उनी देउवा गुटका मानिन्छन् ।
प्रकाशित: Dec 31, 2017| 18:23 आइतबार, पुस १६, २०७४