काठमाडौं- केही दिनयता धुम्वाराहीस्थित नेकपा केन्द्रीय कार्यालयमा पूर्वमाओवादीका केन्द्रीय सदस्यहरूको जमघट बाक्लिन थालेको छ।
पार्टी एकीकरण घोषणा हुनु अघिसम्म माओवादी कार्यकर्ता पेरिसडाँडामै जम्मा हुन्थे । र, एमाले नेता-कार्यकर्ता धुम्वाराही पुग्थे ।
पार्टी एकीकरणपछि नेकपाको सचिवालयले धुम्वाराहीबाट काम शुरु गरेको छ। सचिवालयले पहिलो कामको रूपमा केन्द्रीय सदस्यहरूको विवरण अद्यावधिक गर्न थालेको छ ।
तत्कालीन एमालेका केन्द्रीय सदस्यहरूको विवरण कम्युटरमा अद्यावधिक छ । तर, तत्कालीन माओवादीको अभिलेख नै छैन।
सोही कारण नेकपा सचिवालयले अभिलेख नभएका पूर्वमाओवादी केन्द्रीय सदस्यहरूको विवरण मागेको छ। आ-आफ्नो विवरणका साथ उनीहरू धुम्वाराहीमा झुल्किन थालेका हुन् ।
प्रकाशित: Dec 31, 2017| 18:23 आइतबार, पुस १६, २०७४