सुर्खेत - कोरोना संक्रमणबाट सुर्खेतमा पछिल्लो २४ घण्टामा ४ जनाको मृत्यु भएको छ।
बिहीबार विहान १ जना साँझ २ जना र राती १ जना गरी ४ जनाले संक्रमणबाट ज्यान गुमाएका छन्।
मृत्यु हुनेमा वीरेन्द्रनगर नगरपालिका ८ का ६३ वर्षे, पञ्चपुरी नगरपालिका–५ का ६० वर्षे, लेकबेसी नगरपालिका–१ का ५४ वर्षे र नरहरिनाथ गाँउपालिका –९ कालिकोट ७३ वर्षे पुरुष छन्। ६३ वर्षे पुरुषको बिहीबार राती, ६० र ५४ वर्षे पुरुषको बिहीबार साँझ र ७३ वर्षे अर्का पुरुषको विहीबार विहान मृत्यु भएको प्रदेश अस्पताल सुर्खेतका कोरोना फोकलपर्शन डाक्टर केएन पौडेलले जनाए।
लेकबेशीका ५४ वर्षे पुरुष बाहेक अन्य सबैको प्रदेश अस्पताल सुर्खेतमा मृत्यु भएको हो। लेकबेशीका पुरुषको भने उपचारका लागि अस्पताल ल्याउँदै गर्दा बाटोमै मृत्यु भएको हो। संक्रमणदर बढेसँग सुर्खेतका मृत्यु हुने दर पनि बढ्दो क्रममा छ।