काठमाडौं – पेरिस सेन्ट जर्मेन पीएसजीले जारी च्याम्पियन्स लिगको सेमिफाइनल खेल हारबाट सुरु गरेको छ।
बुधबार राति घरेलु मैदानमा सम्पन्न पहिलो लेगको खेलमा पीएसजीले प्रिमियर क्लब म्यानचेस्टर सिटीसँग २–१ गोलको हार बेहोरेको हो।
सिटीका लागि डि ब्रुन र रियाद महरेजले समान १–१ गोल गरे भने पीएसजीका माक्विन्होसले एक गोल फर्काए।
खेलको १५औं मिनेटमा गोल गर्दै माक्विन्होसले पीएसजीलाई अग्रता दिलाएका थिए। यससँगै पहिलो हाफमा पीएसजी एक गोलले अघि रह्यो।
दोस्रो हाफको ६३औं मिनेटमा डि ब्रुनले र ७०औं मिनेटमा महरेजले गोल गर्दै सिटीलाई २–१ गोलको जित दिलाएका थिए।
सेमिफाइनलको दोस्रो लेगको खेल आर्को हप्ता हुनेछ।