पछिल्लो २४ घण्टामा ३ हजार ५५६ जनामा कोरोना पुष्टि 

काठमाडौं- नेपालमा पछिल्लो २४ घण्टामा ३ हजार ५६६ जनामा कोरोना संक्रमण पुष्टि भएको छ।

स्वास्थ्य तथा जनसंख्या मन्त्रालयका अनुसार १२ हजार ४०० जनाको पीसीआर र ८९३ जनाको एन्टिजेन परीक्षण भएकोमा ३ हजार ५५६ जनामा संक्रमण पुष्टि भएको हो। 

जसमध्ये ३ हजार ४४२ जनाको पीसीआर परीक्षणमा कोरोना संक्रमण पुष्टि भएको हो भने ११४ जनाको एन्टिजेनबाट पोजेटिभ देखिएको मन्त्रालयले जनाएको छ। 

हाल देशभर सक्रिय संक्रमितको संख्या २२ हजार ४३४ पुगेको छ। त्यस्तै पछिल्लो २४ घण्टामा संक्रमणमुक्त हुनेको संख्या ३७८ छ।

पछिल्लो २४ घण्टामा १२ जनाको मृत्यु भएसँगै ३ हजार १७६ जना संक्रमितको मृत्यु भएको स्वास्थ्य तथा जनसंख्या मन्त्रालयको तथ्यांक छ।