नेपालसँगको वार्तापछि आफूनिकट नेताहरूसँग ओलीले गरे छलफल

काठमाडौं - पार्टीमा देखिएको विवाद समाधान बारे असन्तुष्ट नेता माधवकुमार नेपालसँगको वार्तापछि प्रधानमन्त्री एवं एमाले अध्यक्ष केपी शर्मा ओलीले  आफू पक्षीय नेताहरूसँग छलफल गरेका थिए।

ओली र नेपालबीच बुधबार साँझ भएको वार्तामा के भयो भन्ने यकिन विषय सार्वजनिक भएको छैन। तर, नेपालसितको छ्लफल लगत्तै बालुवाटार पुगेर ओलीले आफू निकटका नेताहरूसँग छ्लफल गरेका हुन्। छ्लफलमा सहभागी एक नेताले नेपालसँगको वार्ताबारे अध्यक्ष ओलीले जानकारी दिएको बताएका थिए।

उच्च स्रोतका अनुसार नेता नेपालले पनि आफू निकट केही नेताहरूलाई प्रधानमन्त्री एवं पार्टी अध्यक्षसँगको वार्ताका बारेमा जानकारी गराएका थिए। तर, ओली र नेता नेपालबिच दुई घन्टा लामो वार्तामा के-के कुराकानी भयो भन्ने सार्वजनिक भएको छैन। वार्ता सकेर निस्किँदा दुवै नेता प्रफुल्ल मुद्रामा देखिएका थिए।