काठमाडाैं- तत्कालिन एमाले र माओवादी केन्द्रबीचको एकता पछि जन्मिएको नयाँ पार्टी नेपाल कम्युनिष्ट पार्टी (नेकपा) फेरि अर्को झमेलामा फसेको छ । अहिलेसम्म औपचारिक रुपमा दल दर्ता नभएको नेकपालाई यसपटक महिलाको संख्याले झमेलामा पारेको हो ।
अर्को राजनीतिक दलसँग नाम जुधेपछि दल दर्ता गर्न नाम परिवर्तन गर्न बाध्य भएको नेकपा अहिले ३३ प्रतिशत महिला नपुगेपछि समस्यामा परेको छ । नयाँ दल दर्ता गर्नका लागि ३३ प्रतिशत महिला हुनुपर्ने व्यवस्थाका कारण दल दर्ता अन्योलमा परेको छ ।
नेकपाको केन्द्रीय समितिमा हाल ४ सय ४१ सदस्य छन्। जसमा महिलाको संख्या ७२ मात्र छ । यो कुल संख्याको १६ प्रतिशत मात्रै हो । दल दर्ताका लागि पार्टी दर्ता ऐन २०७४ को धारा १५ ९४० बमोजिम महिलाको सहभागिता ३३ प्रतिशत अनिवार्य हुनुपर्ने प्रावधान छ ।
यस्तै ४५ सदस्यीय स्थायी कमिटीमादुई जना मात्र महिला छन् भने नौ सदस्यीय सचिवालयमा महिलाको सहभागिता नै छैन ।
नवगठित नेकपाले निर्वाचन आयोगमा दल दर्ताका लागि योग्य हुन अहिले केन्द्रीय समितिमा सहभागी गराएको महिलाको संख्यालाई कम्तिमा दोब्बर पार्नुपर्ने निर्वाचन आयोगका अधिकारीले बताएका छन् ।
प्रकाशित: Dec 31, 2017| 18:23 आइतबार, पुस १६, २०७४