काठमाडौं– विभिन्न प्रलोभनमा पारी छ जनालाई अमेरिका पठाउछु भन्दै भारत, सिंगापुर, मलेसिया, थाईल्यान्ड , नाईजेरीया हुदै अफ्रिकन देश टोगोमा पुर्याई ७ महिना सम्म अलपत्र पार्ने एक जनालाई प्रहरीले पक्राउ गरेको छ ।
बाग्लुङ, रिगा गाउँपालिका –११, गल्कोट स्थायी ठेगाना भई काठमाडौंको बानियाटार बस्ने ४१ वर्षीय राजु भन्ने जेसन श्रीसलाई केन्द्रीय अनुसन्धान व्युरो महारगञ्जको टोलीले शनिबार सामाखुशीबाट पक्राउ गरेको प्रहरीले जनाएको छ ।
उनलाई जिल्ला अदालत काठमाण्डौंबाट ७ दिनको म्यादथप गरी मानव बेचबिखन तथा तथा ओसारपसार मुद्दामा अनुसन्धान जारी रहेको केन्द्रीय अनुसन्धान व्युरोले जनाएको छ ।
मानव बेचबिखन तथा ओसारपसार (नियन्त्रण) ऐन २०६४ को दफा ३ र ४ को कसुरमा दफा १५ (१) (क) अनुसार मानिस किन्ने वा बेच्नेलाई बीस वर्ष कैद र दुई लाख रुपैयाँ जरिवाना गरिने कानुनी प्रावधान छ ।
प्रकाशित: Dec 31, 2017| 18:23 आइतबार, पुस १६, २०७४