सुर्खेत- कर्णाली प्रदेशका तीन जना नवनियुक्त मन्त्रीहरूले पद तथा गोपनीयताको शपथ लिएका छन्।
आइतबार साँझ ६ बजे प्रदेश प्रमुख गोविन्दप्रसाद कलौनीले नवनियुक्त मन्त्रीहरू नन्दसिं बुढा, अमरबहादुर थापा र कुर्मराज शाहीलाई प्रदेश प्रमुख गोविन्दराज कलौनीसँग पद तथा गोपनीयताको शपथग्रहण गराएका हुन्।
शनिबार मुख्यमन्त्री महेन्द्रबहादुर शाहीले भूमि व्यवस्था, कृषि तथा सहकारी मन्त्रालयको जिम्मेवारी नन्दसिं बुढा, भौतिक पूर्वाधार विकास मन्त्रालयको जिम्मेवारी अमरबहादुर थापा र उद्योग, पर्यटन, वन तथा वातावरण मन्त्रालयको जिम्मेवारी कुर्मराज शाहीलाई दिएका थिए।
नवनियुक्त तीनै जना नेपाल कम्युनिस्ट पार्टीको (एमाले)को माधवकुमार नेपाल समूहका नेताहरू हुन्। उनीहरू तीनै जनाले शनिबार मुख्यमन्त्री महेन्द्रबहादुर शाहीलाई विश्वासको मत दिएका थिए।
पार्टीको ह्विप विपरीत शुक्रबार मुख्यमन्त्रीलाई विश्वासको मत दिएपछि नेकपा एमाले प्रदेश कमिटीले तीन जना सांसदलाई शनिबार पार्टीबाट निष्काशन गरिसकेको छ।