काठमाडौं- सुन तस्करीमा संलग्न छिरिङ वाङदेल घलेले पनि जिल्ला अदालत मोरङमा आत्मसमर्पण गरेका छन् । अदालतले अहिले उनको बयान लिइरहेको छ ।
विभिन्न सुन तस्करका घटनामा छिरिङलाई अहिलेसम्मको सूचनाका आधारमा मुख्य नाइके मानिएको छ । उनले विमानस्थलमा एसएसपी श्याम खत्रीलगायतसँग सेटिङ गरेर तस्करी गर्ने गरेको आरोप लागेको थियो ।
सुन तस्करमा संलग्न चुणामणी उप्रेती गोरेले प्रहरीसँगको बयानमा क्रममा छिरिङ र एसएसपी खत्रीले मिलाएको सेटिङमा आफू भारी बोक्ने भरिया मात्र भएको बयान दिएपछि छिरिङको संलग्ना रहेको खुलासा भएको थियो ।
जिल्ला प्रहरी कार्यालय मोरङका प्रमुख एसपी मनोजकुमार केसीले छिरिङले आत्मसमर्पण गरेको पुष्टि गर्दै अहिले बयानका क्रममा रहेको नेपाल समयलाई जानकारी दिए ।
प्रकाशित: Dec 31, 2017| 18:23 आइतबार, पुस १६, २०७४