विचित्र दुनियाँ समाचार

ज्वालामुखीको १ हजार डिग्री तापक्रममा पिज्जा पकाएपछि...

1621317804.jpg

ग्वाटेमालाका एक जना युवकले १ हजार डिग्री सेल्सियसको तापक्रममा पिज्जा पकाएका छन्। त्यो पनि ज्वालामुखीको तापमा।

ग्वाटेमालामा गत फेब्रुअरीदेखि ज्वालामुखी विष्फोट भइरहेको छ। ज्वालामुखीका लाला तल झर्दै गर्दा युवा डेभिड ग्रासियाले पिज्जा पकाएका हुन्।

ग्वाटेमालाका ३४ वर्षीय डेभिडले हजार डिग्री सेल्सियस तापक्रममा पिज्जा पकाएर सबैलाई अचम्मित पारेका छन्। उनले ज्वालामुखीमा पकाएको पिज्जा खान सयौं सर्वसाधारण आएका थिए।

उनी पकाया पिज्जा सेन्टरमा काम गर्छन्। जुन त्यहाको सबैभन्दा प्रसिद्ध पिज्जा सेन्टर हो। ज्वालामुखी आएको स्थानमा गई उनले पीजा पकाएका थिए।

ज्वालामुखी आएको स्थानमा जान उनले सुरक्षाका लागि शरीरलाई हानी नगर्ने कपडा र सेनाले लगाउने जस्ता जुत्ताको प्रयोग गरेका थिए।

दश मिनेटमा डेभिडले पिज्जा पकाइसकेका थिए। उनी सन् २०१३ बाट पिज्जा सेन्टरमा काम गरिरहेका छन्। द टाइम्स अफ इन्डियाबाट

प्रतिक्रिया दिनुहोस्
थप समाचार
लेखकबाट थप
ताजा अपडेट