रुपन्देही । पाल्पाको तानसेनमा ट्रिप्पर दुर्घटना हुँदा एक जनाको मृत्यु भएको छ ।
तानसेन नगरपालिका ८ नयाँ पार्टीमा भएको दुर्घटनामा ट्रिपरका सहचालक नवलपारासीको विनयी गाउँपालिकाका १८ वर्षका विवेक कुमालको मृत्यु भएको जिल्ला प्रहरी कार्यालय पाल्पाले जनाएको छ ।
दुर्घटनामा ३८ वर्षका भीम परियार घाइते भएका छन् । उनको लुम्बिनी मेडिकल कलेज प्रभास पाल्पामा उपचार भइरहेको छ । तीब्र गतिका कारण दुर्घटना भएको प्रहरीले जनाएको छ ।
चट्याङले लागेर मृत्यु
यसैबीच नवलपरासीको गैडाकोट ३ ढोडेनीमा चट्टयाङले लागेर ७५ वर्षकी हेमकुमारी अस्लामी मगरको मृत्यु भएको छ । नवलपुर प्रहरीका अनुसार बिहीबार राति सुतिरहेको अवस्थामा चट्टयाङले लागेर वृद्धाको मृत्यु भएको हो ।
प्रकाशित: Dec 31, 2017| 18:23 आइतबार, पुस १६, २०७४