काठमाडौं – प्रधानमन्त्री केपी शर्मा ओलीले जनकपुरको रेल यही महिनाभित्र सञ्चालनमा आउने बताएका छन्।
आज राष्ट्रका नाममा सम्बोधन गर्दै उनले यस्तो बताएका हुन्।
‘जनकपुरमा दुईवटा रेल ल्याइसकेका छौं,’ उनले भने, ‘वैशाख महिनाभित्रै रेल सञ्चालनमा आउँछ।’
यस्तै उनले पूर्वपश्चिम रेलमार्गको काम पनि भइरहेको बताए।
‘ट्रयाक बनाउने, पुल बनाउने काम सुरु गरिसकेका छौं,’ उनले भने, ‘जग्गा अधिग्रहणका काम पनि सुरु गरिसकेका छौं, त्यो पनि छिटै सञ्चालन हुन्छ।’