काठमाडौं– नेपाल, मलेसिया र नेदरल्यान्ड सम्मिलित थ्री–नेसन्स कप टी–२० क्रिकेट सिरिजका लागि मलेसियाको टिम नेपाल आइपुगेको छ।
टी–२० क्रिकेटमा सम्मिलित हुने अर्को टिम नेदरल्याण्डस पनि आज नै नेपाल आएको थियो। प्रतियोगिता आगामी वैशाख ४ गतेबाट कीर्तिपुरस्थित त्रिभुवन विश्वविद्यालयको क्रिकेट मैदानमा हुँदैछ।
प्रतियोगिता अन्तर्गत वैशाख ४ गते नेपाल र नेदरल्याण्डस, ५ गते नेदरल्याण्डस र मलेसिया, ६ गते नेपाल र मलेसिया, ७ गते नेपाल र नेदरल्याण्डस, ८ गते मलेसिया र नेदरल्याण्डस, ९ गते मलेसिया र नेपालबीचको खेल हुनेछ।
फाइनल खेल एक दिनको आरामपछि ११ गते हुनेछ।