टी–२० सिरिजका लागि काठमाडौं आइपुग्यो नेदरल्याण्डसको टोली, यस्तो छ खेल तालिका

काठमाडौं– नेपाल, मलेसिया र नेदरल्यान्ड सम्मिलित ट्री–नेसन्स टी–२० सिरिजका लागि नेदरल्यान्डको टिम नेपाल आइपुगेको छ।

प्रतियोगिता आगामी वैशाख ४ गतेबाट कीर्तिपुरस्थित त्रिभुवन विश्वविद्यालयको क्रिकेट मैदानमा हुँदैछ। बजाज पल्सरको प्रायोजनमा हुने प्रतियोगिता शिवम् सिमेन्टसँगको सहकार्यमा हुन लागेको हो। 

प्रतियोगिता अन्तर्गत वैशाख ४ गते नेपाल र नेदरल्याण्डस, ५ गते नेदरल्याण्डस र मलेसिया, ६ गते नेपाल र मलेसिया, ७ गते नेपाल र नेदरल्याण्डस, ८ गते मलेसिया र नेदरल्याण्डस, ९ गते मलेसिया र नेपालबीचको खेल हुनेछ।

फाइनल खेल एक दिनको आरामपछि ११ गते हुनेछ।