काठमाडौं । उपचारका लागि दिल्ली गएका राष्ट्रकवि माधव घिमिरे शनिबार स्वदेश फर्किएका छन् । भारतको नयाँ दिल्लीस्थित मेदान्त अस्पतालमा उपचार गराई घिमिरे ११ दिन पछि स्वदेश फर्किएका हुन् ।
घिमिरे नेपाल एयर लाइन्सको नियमित उडानबाट शनिबार दिउँसो २ बजे काठमाडौं आईपुगेका हुन् । सानो आन्द्राबाट रगत बग्न नरोकिएपछि अघिल्लो बुधबार उनलार्ई थप उपचारका लागि दिल्ली लगिएको थियो ।
दिल्लीमा इन्डोस्कोपी पछि उनको सानो आन्द्रामा दुई ठाउँ घाउ भएको पत्ता लागेको थियो । ती घाउलाई लेजर प्रविधिबाट डामिएको थियो ।
उपचारपछि रक्तस्राव रोकिएर स्वास्थ्यमा सुधार भएसँगै राष्ट्रकवि घिमिरे घर फर्किएका हुन् ।
प्रकाशित: Dec 31, 2017| 18:23 आइतबार, पुस १६, २०७४