एपीएफ सेमिफाइनलमा प्रवेश

विराटनगर – सशस्त्र प्रहरी (एपीएफ) काठमाडौं  विराट गोल्डकपमा सेमिफाइनलमा प्रवेश गरेको छ। सोमबार राति भएको तेस्रो क्वाटरफाइनल खेलमा साविक विजेता नेपाल प्रहरीलाई २–० गोलले हराउँदै एपीएफ सेमिफाइनलमा प्रवेश गरेको हो। 

दुवै टिम आक्रामक देखिए पनि डिफेन्सलाइनको कमजोरीमा नेपाल प्रहरी पछि पर्‍यो । खेलको ४६औं मिनेटमा एपीएफका मणि लामा र ९०औं मिनेटमा सुमन लामाले गोल गरि टिमको जित सुनिश्चित गरेका थिए। खेलको ४६औं मिनेटमा एपीएफका मणिले पुलिसका खेलाडीले किलियर गरेको बलललाई गोलमा परिणत गरि अग्रता दिलाएका थिए। 

पहिलो हाफ प्रहरीका लागि निकै संघर्षपूर्ण बन्यो। प्रहरीले केही उत्कृष्ट अवसर सिर्जना गरे पनि गोलमा परिणत हुन नसक्दा पहिलो हाफसम्म दुवै टिमले गोलरहित खेल खेले।

खेलको १९औं मिनेटमा एपीएफका मनी लामाले डिबक्स बाहिरदेखि गरेको प्रहार बाहिरिँदा थप गोल गर्ने अवसर खेर गयो। खेलको ३९औं मिनेटमा प्रहरीका सुमन लामलो पेनाल्टी एरियादेखि गरेको प्रहार पोष्टमाथिबाट बाहिरिँदा बराबारी हुनबाट चुक्यो। 

खेलको म्यान अफ द म्याच एपीएफका मणि लामा घोषित भए। उनले नगद १० हजार प्राप्त गरे। 

मंगलबार साँझ संकटा र अफ्रिकन रुट्सबिच प्रतिस्पर्धा हुनेछ।