समाज समाचार

भक्तपुरको चाँगुनारायणमा युवक मृत फेला

1621147593.jpg

काठमाडौं - भक्तपुरको चाँगुनारायण नगरपालिका-६ मा अन्दाजी ३० वर्षीय एक व्यक्तिको शव फेला परेको छ। अनुहार पानीमा रही घोप्टो परेको अवस्थामा प्रहरीले शव फेला पारेको हो। 

शव पोष्टमार्टमका लागि काठमाडौं मेडिकल कलेज दुवाकोटमा राखिएको महानगरीय प्रहरी परिसर भक्तपुरले जनाएको छ। शवको पहिचान हुन नसक्दा प्रहरीले कसैको आफन्त हराएको भए सम्पर्क गर्न आग्रह गरेको छ।

मृतक युवा गहुँगोरो वर्णको, उचाइ पाँच फिट आठ इन्च, मझौला शरीर भएको, हातको बुढी औँला र चोर औँला बीचमा सी आकारको ट्याटु भएको बायाँ खुट्टाको पिँडौलादेखि कान्छी औलासम्म पुरानो खत रहेको प्रहरीले जानकारी दिएको छ।

प्रतिक्रिया दिनुहोस्
थप समाचार
लेखकबाट थप
ताजा अपडेट