विराटनगर– प्रदेश १ की सामाजिक विकास मन्त्री उषाकला राईले कोभिड अस्पताललाई तयारी अवस्थामा राखिएको बताएकी छिन्।
प्रदेश १ मा कोरोना संक्रमण बढ्दै गएपछि कोशी अस्पताल कोभिड १९ उपचार केन्द्रलाई तयारी अवस्थामा राखिएको उनले बताइन्।
सोमबार बिहान कोशी अस्पताल कोभिड १९ उपचार केन्द्रको अनुगमन गर्दै उनले तत्कालका लागि १८० वेड तयारी अवस्थामा रहेको बताएकी हुन्।
आवश्यकताअनुसार सीमा नाकामा आवश्यक सतर्कता अपनाउन निर्देशन दिइएको उनको भनाइ छ। कोभिड अस्पतालमा उपचारको प्रबन्ध गर्न उनले निर्देशन दिइन्। मन्त्री राईले भनिन्, ‘कतैबाट गुनासो आउन भएन।’
सामाजिक विकास मन्त्रालयका सचिव गोविन्द कार्कीले संक्रमणको दर बढेको बताइन्। चैत २० पछिको १० दिनमा संक्रमण दर बढेको उनले बताए। संक्रमण दर बढेसँगै अस्पताल, आइसोलेसन केन्द्रहरुलाई तयारी अवस्थामा राखिएको मन्त्रालयका सचिव कार्कीले बताए।