सुर्खेत- सल्यानको पाथीभरा लेकमा नेपाल टेलिकमको ‘झिम्पे टावर’ सञ्चालनमा आएको छ। सेवा बन्द भएको झण्डै २३ वर्षपछि झिम्पे टावर पुनः सञ्चालनमा ल्याइएको हो। आज (आइतबार) देखि झिम्पे टावर सञ्चालनमा आएको नेपाल टेलिकम कर्णाली प्रदेशका प्रमुख नारायण खुशीले जानकारी दिए।
टावर सञ्चालनमा आएपछि सल्यानको पूर्व क्षेत्र (छत्रेश्वरी, त्रिवेणी, सिद्धकुमाख, कपुरकोट, शारदा र बागचौर नगरपालिका) रोल्पाको सुकीदह र त्रिवेणी गाउँपालिका तथा रुकुमपश्चिमका केही भू–भागमासमेत सञ्चार गर्न सहज हुनेछ।
छत्रेश्वरी गाउँपालिका–२ मा झिम्पे टावर समुद्री सतहदेखि २ हजार ७०० मिटर उचाइमा छ। दश वर्षे युद्धका क्रममा तत्कालीन माओवादीले २०५४ साल पु ९ गते टावरमा आक्रमण गरेर ध्वस्त बनाएको थियो।
छत्रेश्वरी गाउँपालिकाको सक्रियता तथा विद्युत प्राधिकरणको समन्वयमा टेलिकमले टावर सञ्चालनमा ल्याएको हो।