काठमाडौं– पछिल्लो २४ घण्टामा देशभर ३ सयभन्दा बढीमा कोरोना भाइरसको संक्रमण पुष्टि भएको छ। ३१ सय २५ जनामा गरिएको परीक्षणमा ३०३ जनामा संक्रमण पुष्टि भएको हो।
योसँगै नेपालमा कोरोना भाइरस संक्रमितको संख्या २ लाख ८० हजार २८ पुगेको छ। पछिल्लो २४ घण्टामा १४१ जना कोरोना भाइरस संक्रमणमुक्त भएका छन्। हालसम्म २ लाख ७४ हजार २७ जना संक्रमणमुक्त भएका छन्।
आइतबार कोरोना भाइरसका सक्रिय संक्रमित २९६१ जना छन्।
पछिल्लो २४ घण्टामा एक जना संक्रमितको मृत्यु भएको छ। हालसम्म ३ हजार ४० जना कोरोना संक्रमितको मृत्यु भइसकेको छ।