समाज

दैलेखमा बन्चरो प्रहार गरेर बाबुको हत्या

1603540674.jpg

सुर्खेत- दैलेखमा एक व्यक्तिले बन्चरो प्रहार गरेर बाबुको हत्या गरेका छन्।

प्रहरी कार्यालय दैलेखका अनुसार डुङ्गेश्वर गाउँपालिका–६ डुङ्गेश्वर बजारका २१ वर्षीय विकास बुढाले बाबु ४७ वर्षीय नकुल बुढालाई बन्चरो प्रहार गरेर हत्या गरेका हुन्। 

बन्चरो प्रहारबाट नकुलको टाउको र ढाडमा गहिरो घाउ भएको थियो। गम्भीर घाइते भएका उनलाई आफन्तले उपचारका लागि स्थानीय मेडिकलमा पुर्‍याएका थिए। तर उपचारको क्रममा उनको शुक्रबार दिउँसो मृत्यु भएको जिल्ला जनाएको छ। 

घटनालगत्तै बाबुको हत्या गर्ने विकासलाई प्रहरीले नियन्त्रणमा लिएको छ। घटनाबारे थप अनुसन्धान भइरहेको दैलेखका डीएसपी अनुपम श्रेष्ठले जानकारी दिए।

प्रतिक्रिया दिनुहोस्
थप समाचार
लेखकबाट थप
ताजा अपडेट