काठमाडौं- नेपालमा पछिल्लो २४ घण्टामा २८८ जनामा कोरोना संक्रमण पुष्टि भएको छ। ४ हजार ७१ जनाको आरटीपीसीआर परीक्षण गरिएकोमा २८८ जनामा संक्रमणको पुष्टि भएको स्वास्थ्य तथा जनसंख्या मन्त्तालयले जानकारी दिएको छ।
यस्तै पछिल्लो २४ घण्टामा १२७ जना संक्रमित निको भएको मन्त्रालयले जानकारी दिएको छ। पछिल्लो २४ घण्टामा कोरोना संक्रमणबाट कसैको पनि मृत्यु भएको छैन। हालसम्म ३ हजार ३८ जनाले कोरोनाका कारण ज्यान गुमाएका छन्।
नेपालमा कोरोनाका कुल संक्रमितको संख्या २ लाख ७९ हजार ३८८ पुगेको छ। अहिलसम्म २ लाख ७३ हजार ७३५ जना निको भएका छन्।
हाल सक्रिय संक्रमितको संख्या २ हजार ६१५ रहेको छ।