काठमाडौं- नेपालमा पछिल्लो २४ घण्टामा नेपालमा झण्डै साढे तीन सय जनामा कोरोना पुष्टि भएको छ।
स्वास्थ्य तथा जनसंख्या मन्त्रालयका अनुसार ४ हजार १०० जनाको पीसीआर परीक्षण भएकोमा ३३९ जनालाई संक्रमण पुष्टि भएको हो। केही समययता नेपालमा दिनका दिन कोरोना संक्रमितको संख्या बढिरहेको छ।
पछिल्लो २४ घण्टामा संक्रमणमुक्त हुनेको संख्या २८९ रहेको छ। हालसम्म २ लाख ७३ हजार ६३१ जना संक्रमितहरु संक्रमणमुक्त भइसकेको छन्। हाल २ हजार २०१ जना सक्रिय संक्रमित छन्।
आज उपत्यकामा १६३ जनामा कोरोना संक्रमित पुष्टि भएको छ। जसमध्ये काठमाडौंमा १३२, ललितपुरमा २६ र भक्तपुरमा ५ जनामा संक्रमण पुष्टि भएको हो।
संक्रमण बढ्नुमा स्वास्थ्यका मापदण्ड पालना नगर्नु रहेको विज्ञहरुले बताउँदै आएका छन्। पछिल्लो समय छिमेकी मुलुक भारतमा संक्रमण बढेको र त्यहाँबाट आउनेजाने क्रम धेरै भएकाले अझै संक्रमण बढ्न सक्ने विज्ञहरु बताउँछन्।