काठमाडौं- नेपाल कम्युनिसट पार्टी एमालेका वरिष्ठ नेता झलनाथ खनालले एमालेको नवौँ महाधिवेशनबाट विचार नमिल्ने मानिसको नेतृत्व आएको टिप्पणी गरेका छन्। प्रधानमन्त्री एवम् अध्यक्ष केपी शर्मा ओलीप्रति लक्षित गर्दै उनले यस्तो टिप्पणी गरेका हुन् ।
पार्टीका वरिष्ठ नेता माधवकुमार नेपाल र झलनाथ खनाल पक्षले राजधानीमा आयोजना गरेको भेलामा सम्बोधन गर्दै नेता नेपालले ओलीसँग आफूहरूको विचार नमिलेको बताएका हुन्।
'नवौं महाधिवेशनमा विचार नमिल्ने मानिसको नेतृत्व आयो। आज नेपाली कम्युनिस्ट आन्दोलनमा घटनाक्रम दोहोरिन थालेको छ। दक्षिणपन्थी भासमा पार्टी गयो,' उनले भने। नवौँ महाधिवेशनबाट ओली अध्यक्षमा चुनिएका थिए।
एमालेलाई नयाँ हिसाबले अगाडि बढाउने अभियान स्वरुप भेला आयोजना गरिएको उनको भनाइ थियो।
'क्रान्तिकारी धारलाई संगठित गर्दैछौं। वैचारिक र राजनीति कार्यदिशा ठिक भएन भने ठूलो समस्या हुन्छ। तर सही भएको पार्टीले सत्तादेखि रुपान्तरण गर्न सहज हुन्छ। तर गलत दिशा चिन्तन भयो भने जति ठूलो पार्टी भए पनि ध्वस्त हुन सक्छ। आज नेपाली कम्युनिस्ट आन्दोलन गम्भीर मोड्मा आइपुग्यो। छैठौँ महाधिवेशनबाट केपी ओलीको नेतृत्वमा गुटको जन्म भयो। दक्षिणपन्थी भड्काउको गुटबन्दी उहाँले गर्दै आउनुभयो,' उनले भने।