सरकारको पहिलो प्राथमिकता भ्रष्टाचारीको संरक्षण : कँडेल

काठमाडौं– नेपाली कांग्रेसका सांसद देवेन्द्रराज कँडेलले प्रधानमन्त्री केपी ओलीले नैतिकताको आधारमा राजीनामा दिनुपर्नेमा लाज पचाएको टिप्पणी गरेका छन्। 

प्रतिनिधिसभाको आज बुधबारको बैठकमा उनले भने, ‘सर्वोच्चले संसद् विघटन बदर गरिदिएपछि प्रधानमन्त्रीले राजीनामा दिनुपर्ने होइन र ? तर नैतिकताको प्रश्न उठ्दा लाज पचाएपछि कसको के लाग्छ ?’ 

सरकारको पहिलो प्राथमिकता भ्रष्टाचारीको सुरक्षा रहेको आरोप कँडेलले लगाए। पूर्वसञ्चारमन्त्री गोकुल बाँस्कोटालाई गृह मन्त्रालयले थप सुरक्षाकर्मी उपलब्ध गराएको बताउँदै उनले भने, ‘गृहको सुरक्षा मापदण्ड भीआईपीको अनुहार हेरेर हुने हो ?’