काठमाडौं - फागुन २३ गते तत्कालीन नेकपा एमाले र माओवादी केन्द्रलाई पूर्ववत रुपमा फर्काउने सर्वोच्च अदालतको फैसलाविरुद्ध पुनरावलोकनका लागि निवेदन दिन माओवादी केन्द्रका अध्यक्ष पुष्पकमल दाहाल सर्वोच्च पुगेका छन्।
माओवादी केन्द्रका अध्यक्ष दाहाल नेता देव गुरुङ र कानुन व्यवसायीसहित पुनरावलोकनका लागि सर्वोच्च पुगेका हुन्।
सर्वोच्च अदालतको फैसलापछि माओवादी केन्द्रले पटक-पटक पुनरावलोकनमा जाने विषयमा कानुन व्यवसायीसँग छलफल गरेको थियो।
अध्यक्ष दाहालले पुनरावलोकनमा जानुअघि बिहान आफ्नै निवास खुमलटारमा आफू निकट केही स्थायी कमिटीका सदस्यसँग पनि छलफल गरेका थिए।