काठमाडौं- बंगलादेशविरुद्ध पहिलो हाफको खेलमा नेपाल पाहुना टिमसँग बराबरीमा रोकिएको छ।
थ्री नेशन्स कपअन्तर्गत समूह चरणको अन्तिम खेलमा नेपालले बंगलादेशसँग खेलिरहँदा पहिलो हाफ गोलरहित बराबरीमा रोकिएको हो।
प्रतिस्पर्धात्मक खेलमा नेपाल र बंगलादेशले केही राम्रा मुभ बनाए पनि गोलले पोस्ट चुम्न नसकेपछि खेल बराबरी भएको हो।
खेलको २१ औं मिनेटमा त्रिदेव गुरुङले गरेको क्रसलाई अन्जत विष्टले पोस्टबाहिर हेड गरेपपछि घरेलु टिमले अग्रता बनाउने अवसर गुमाएको थियो।
त्यसअघि खेलको दोस्रो मिनेटमै नेपालले पाएको कर्नर पनि सदुपयोग गर्न सकेन। बंगलादेशले पनि यस्तै केही अवसर खेल फाल्यो।
४० औं मिनेटमा कप्तान जमल भुयाले प्रहार गरेको फ्रिकिक पोस्ट नजिकैबाट बाहिरिएको थियो।
त्यसअघि खेलको ३७ औं मिनेटमा कप्तान भुयाले दिएको पासलाई मोहम्मद इमानले पोस्टबाहिर प्रहार गदैै खेल फलेका थिए।
यो समूह चरणको अन्तिम र निर्णयक खेल हो। नेपालले एकभन्दा धेरै गोलअन्तरमा हार बेहोरेको खण्डमा समूह चरणबाटै बाहिरिने छ भने जित वा बराबरी भएको खण्डमा नेपाल फाइनल पुग्नेछ।
फाइनलमा पुग्ने टिमले बंगलादेशसँग सोमबार खेल्नेछ।