काठमाडौं - महाराष्ट्रको राजधानी मुम्बईस्थित भान्डुपको एक अस्पतालमा आगलागी हुँदा १० जनाको मृत्यु भएको छ।
भारतीय सञ्चारमाध्यमका अनुसार अन्य ७० जनाको उद्धार गरिएको छ। पुलिस अधिकारीका अनुसार मान्डु इलाकाको ड्रिम्स मलमा रहेको सनराइज अस्पतालमा बिहीबार राति आगलागी भएको थियो।
उक्त अस्पतालमा कोरोनाका धेरै बिरामीलाई राखिएको थियो। आगलागीको कारण भने अझै पत्ता लाग्न सकेको छैन।
अक्सिजन सिलिन्डर बिस्फोट हुँदा आगलानी भएको अनुमान गरिएको छ। २० दमकल र १५ ट्याङ्करको सहायताले आगो नियन्त्रणमा लिइएको अधिकारीहरूले जनाएका छन्।
उक्त अस्पतालमा ७६ जना कोरोना संक्रमित रहेका थिए।