काठमाडौं– नेकपा माओवादी केन्द्रका अध्यक्ष पुष्पकमल दाहाल आन्तरिक छलफलमा जुटेका छन्।
सचिवालय सदस्य नारायणकाजी श्रेष्ठसहित केही स्थायी कमिटी सदस्यहरूसँग दाहालले बिहीबार पार्टी कार्यालय पेरिसडाँडामा छलफल गरेका हुन्।
‘पार्टीको आन्तरिक छलफलका लागि उहाँहरू छलफल गरिरहनुभएको छ,’ एक नेताले भने।
सर्वोच्च अदालतको फैसलाले एमाले र माओवादी केन्द्रलाई पूर्ववत रूपमा नै फर्काइदिएपछि पार्टीको सांगठनिक कामलगायत कसरी अगाडि बढाउने र माओवादी केन्द्र छाडेर एमालेमा गएका नेताहरूमाथि कस्तो कारबाही गर्ने भन्ने विषयमा पनि नेताहरूबीच छलफल भइरहेको छ।