काठमाडौं– भारतमा कोरोना भाइरसको ‘डबल म्युटेन्ट’ भेरियन्ट फेला परेको छ।
बीबीसीका अनुसार १८ वटा राज्यमा कोरोनाको नयाँ भेरियन्ट फेला परेको हो।
भारतमा केही दिनयता कोरेना संक्रमितको संख्या बढ्न थालेको छ। तर, थपिएका संक्रमितमा कुन किसिमको भाइरस संक्रमण भएको हो भन्ने यकिन भइसकेको छैन।
कोरोनाको नयाँ भेरिएन्ट विदेशी नागरिकमा पनि देखिएको बताइएको छ। भाइरसको नयाँ म्युटेसन करिब १५ देखि २० प्रतिशत स्याम्पलमा भेटिएको छ।