समाज समाचार

बैतडीमा जिप दुर्घटना हुँदा पाँच जनाको मृत्यु 

1601727552.jpg

धनगढी– बैतडीमा मंगलबार भएको जिप दुर्घटनामा पाँच जनाको मृत्यु भएको छ। से १ ज १२३ नम्बरको बोलेरो जिप दुर्घटनामा बैतडीको पञ्चेश्वर गाउँपालिका–६, रोडिदेवलका दीपक भण्डारी, जितसिंह भण्डारी, हिम्मतसिंह भण्डारी, डम्मरसिंह भण्डारीको घटनास्थलमा मृत्यु भएकाे हाे।

यस्तै गाडी चालक तेजबहादुर बोहराको उपचारका लागि अस्पताल लैजाँदै गर्दा बाटोमा मृत्यु भएको जिल्ला प्रहरी कार्यालय बैतडीका प्रहरी निरीक्षक दर्शन खड्काले बताए।  दुर्घटनामा पाँच जना घाइते छ। उनीहरूलाई उपचारका लागि जिल्ला अस्पताल बैतडी ल्याउँदै गरेको खड्काले बताए।

सोमबार साँझ परेको चट्याङ लागेर घटनास्थलमै मृत्यु भएका पञ्चेश्वर गाउपालिका–६ का वडा सदस्य गोविन्दसिंह भण्डारीको शव पोस्टमार्टमका लागि जिल्ला अस्पताल बैतडी लैजाँदै गरेको जिप पञ्चेश्वर गाउँपालिकाकाे रोडीदेवलमा दुर्घटना भएको थियो। जिपमा १० जना यात्रारत थिए। 

प्रतिक्रिया दिनुहोस्