खेलकुद

पीएसजी भर्सेस सिटी : चाहना एउटै, भोक उस्तै, लक्ष्य एकै

1620126291.png

काठमाडौं– जारी च्याम्पियन्स लिगअन्तर्गत पहिलो लेगको खेलमा पीएसजीले घरेलु मैदानमा म्यानचेस्टर सिटीसँग २–१ गोलको हार बेहोरेको थियो।

पहिलो लेगको खेलमा बेहोरेको हारले दोस्रो लेगको खेलमा पीएसजीलाई अहिले टाउको दुखाइको विषय बनेको छ। 

यता उसको अर्को खेलाडी केलियन एम्बाप्पे पनि चोटमुक्त छैनन्। उनी च्याम्पियन्स लिगमा नेयमारबाहेकका अर्का मुख्य हतियार हुन्। र, गोलमेसिन हुन्।

पछिल्लो खेलमा पीएसजीले पहिलो हाफको सुरुमै बनाएको अग्रता जोगाउन नसकेपछि हार बेहोरेको थियो। उसो त म्यानचेस्टर सिटी जत्तिको बलियो टिमसँग अग्रता बनाउन सक्नु पनि कुनै क्लबलका लागि कठिन हो।

यता, पीएसजी पनि पनि यो सिजन उत्तिकै बलिया टिमसँग जुधिरहेको छ। र, सफल बनिरहेको छ।

लिग चरणदेखि समेमीफाइनलसम्मै उसलाई चुनौतिको कमी रहेन। लिग चरणमा उसले लाईप्जिक र म्यानचेस्टर युनाइटेडको सामना गर्नुपरेको थियो। र, अन्तिम १६ मा विश्वकै सर्वाधिक लोकप्रिय खेलाडी लियोनेल मेस्सीको टिम बार्सिलोनासँग।

क्वार्टरफाइनलको यात्रा उसका लागि झन् कष्टप्रद भयो। पछिल्लो सिजनको फाइनलमा भेट भएको बायर्न म्युनिख उसले सेमीफाइनलमै पायो।

डिफेन्डिङ च्याम्पियन बायर्नको सामना गर्न सक्नु अहिले विश्वका जुनसुकै क्लबका लागि कठिन चुनौति हो। बायर्नको फरवार्डलाई झुक्याएर मिडफिल्डलाई परास्त गर्दै डिफेन्सको वाल तोडेर म्यानुयल नुयरले रक्षा गरिरहेको पोस्टमा बल प्रहार गर्नु कुनै पनि खेलाडीको लागि सपना हो।

तर यो सिजनमा त्यो अवसर कमै खेलाडीले मात्र पाएका छन्। यस्तो कठिन टास्कलाई पीएसजीका केलियन एम्बाप्पे र माक्र्विन्होसले स्कोरमा बदलेका थिए। पहिलो लेगमा त पीएसजीले जसोतसो जित निकालेको थियो।

तर दोस्रो लेगमा उसले बार्यनको फरवार्डसामू जित निकाल्न सकेन। तर पनि समग्रमा ३–३ गोलको बराबरी हुँदा अवे गोलको आधारमा भाग्यमानी सावित हुँदै पीएसजी सेमीफाइनल पुगेको हो– लगातार दोस्रो पटक। अब उसको इच्छा छ उपाधि जित्ने। क्लब जन्मिँदै देखिको त्यो इच्छा अझै पूरा भएको छैन।

उसो त म्यानचेस्टर सिटीको चाहना पनि त्यही हो। र, क्लबका लागि अत्यधिक लगानी गरेका नासर अल खिलाफी र शेख मनसुरको उद्देश्य पनि त्यही नै हो– युरोपियन च्याम्पियन बन्ने। त्यसैले क्लब क्लबका मालिकले फुटबलमा अथाह लगानी गरे।

युरोपका त्यही सबैभन्दा धनी क्लब पेरिस सेन्ट जर्मेन र म्यानचेस्टर सिटी आज युरोपको सर्वाधिक प्रतिष्ठित च्याम्पियन्स लिगको सेमीफाइनल अन्तर्गत दोस्रो लेगको खेलमा प्रतिस्पर्धा गर्दैछन्।

आजको खेलमा जितको प्रतीक्षा खिलाफीलाई पनि हुनेछ र मन्सुरलाई पनि हुनेछ। खेलाडी र समर्थकको इच्छा पनि आफ्नो क्लबले जितोस् भन्ने नै हो।

पछिल्लो सिजन च्यान्पियन्स लिगको फाइनल पुगे पनि पीएसजीले बायर्न म्युनिखसँग हार बेहोरेपछि क्बलका अध्यक्ष नासर अल खिलाफी प्रशिक्षक थोमस टुचेलसँग खुसी थिएनन्।

त्यसैले टुचेल अहिले क्लबमै छैनन्। खेल रणनीतिमा बलियो देखिने गरेका मोओरिसिया पोचेतिनोले क्लब सम्हालिरहेका छन्। तर, जारी सिजनमा पीएजसीले लिग वानमा च्याम्पियन शैली भने देखाउन सकेको छैन।

ऊ दोस्रो स्थानमै सीमित छ। तर उसले बलिया क्लबलाई पाखा लगाउँदै सेमीफाइनलको यात्रा गरिसकेको छ। अन्तिम १६ मा पीएसजीले बार्सिलोनालाई ५–२ को समग्रत नतिजामा हरायो।

जारी सिजनमा च्याम्पियन बन्ने यो पीएसजीको पहिलो दावेदारी थियो। बार्यनलाई पनि हराएपछि दोस्रो दावेदारी प्रस्तुत गर्यो।

बार्सिलोना र बार्यनलाई हराएको पीएसजीलाई आज अर्को चुनौति छ – त्यो हो म्यानचेस्टर सिटी। सिटी बलियो हो। विश्वभरिका स्टार क्लबले भरिएको इंग्लिस प्रिमियर लिग(ईपीएल)को पनि जारी सिजनको बलियो टिम सिटी नै हो। अनि उत्कृष्टमध्येका एक प्रशिक्षक पेप ग्वार्डिओलाले सम्हालिरहेको क्लब हो सिटी।

उनको प्लेइङ सेटमा मात्र होइन। बेञ्चमा पनि उत्तिकै बलिया खेलाडी छन्। उसको फरवार्ड लाइनदेखि मिडफिल्ड, डिफेन्स र गोलकिपरसम्म सबै लेयर उत्तिकै पावरफुल छन्। 

ग्वार्डिओलाको प्रशिक्षणमा जर्सियो अग्युरो, ग्याब्रियल जिसस, इल्के गुन्डोगन, रहिम स्टार्लिङ, रियाद महरेज सधैं गोलका भोका देखिन्छन्। त्यही भोक उनीहरुले ईपीएलमा पनि देखाइरहेका छन्। च्याम्पियन्स लिगमा पनि।

ईपीएलमा चार खेल बाँकी रहँदा सिटीले शीर्षस्थानमा १३ अंकको अग्रता बनाइसकेको छ। भर्खरै काराबाओ कप जितेर उत्साहित बनेको सिटी, प्रिमियर लिगसँगै च्याम्पियन्स लिगमा पहिलो पटक उपाधि जित्ने तरखरमा देखिन्छ। यदि आउँदो खेलमा शहरी प्रतिद्वन्दीले खेल हारेमा सिटीले प्रिमियर लिगको उपाधि उचाल्दै छ।

नभए पनि सिटी अहिले लिगको उपाधि भन्दा एकमात्र जित टाढा छ।  च्याम्पियन्स लिगमा सिटीले पनि पीएसजीले जस्तै अन्तिम १६ र अन्तिम आठमा सानदार जित निकाल्दै क्वार्टरफाइनल प्रवेश गर्यो। जर्मन क्लब मोन्छेनग्लाडबाख र बोरुसिया डर्टमन्डलाई पन्छाउँदै फाइनलको संघारमा पुगेको सिटी पहिलो लेगको खेलमा पीएसजीलाई हराउँदै फाइनलमा पग्ने दाउ सिटीको पनि छ।

त्यसैले पीएसजी र सिटीको सपना हेर्दा उस्तै लाग्छ। महत्वाकांक्षा उस्तै लाग्छ। चाहना उस्तै लाग्छ। र, क्लबको लक्ष्य पनि त्यसतर्फ नै केन्द्रित छ। क्लबमा त्यति धेरै लगानी गर्नुको उद्देश्य पनि त्यही त थियो।

२०१७ मा सर्बाधिक मूल्यमा नेयमार किन्दा होस् वा एम्बाप्पे बेच्न नचाहँदा। अझ मेस्सीलाई पनि क्लबमा ल्याउने सपना हेर्दा त पीएसजीको च्याम्पियन्स लिग जित्ने धेरै ठूलो इच्छा छ जुन पूरा हुन सकेन।

यता क्लबमा भएका खेलाडीको पेस र ब्याकसपोर्टका खेलाडीसँगै ग्वार्डिओलालाई गरेको लगानी देखेर सिटीका नाममा पनि त्यस्तै भावना पैदा हुन्छ। मलतब सिटी पनि त्यहि ट्रफी उचाल्न चाहन्छ जुन पीएसजीले गत सिजन उचाल्न पाएको थियो।

यसकारण आजको द्वन्द फुटबलबीच मात्र नभएर दुई सर्वाधिक महत्वाकांक्षी टिमबीच पनि हो। फुटबलको आनन्द लिनेका लागि आज राति पौने एक बजे हुने खेल प्राथमिकतामा रहने छ।

हेड टू हेड

पीएसजी र सिटीको खेल इतिहास लामो छैन। च्याम्पियन्स लिगमा यि क्लबले तीन खेल खेलेका छन्। जसमा दुई खेल बराबरी भएको छ।

२२ डिसेम्बर २००८ र ६ अप्रिल २०१६ को खेल क्रमशः गोलरहित र २–२ गोलको बराबरीमा रोकिएको थियो।  १२ अप्रिल २०१६ मा भने सिटीले १–० गोलको जित निकालेर हेड टू हेडमा अघि छ। त्यसैले युरोपका दुई धनी र बलिया क्लबमा को बलियो आज अर्को इतिहास बन्नेछ।

प्रतिक्रिया दिनुहोस्