काठमाडौं । नेपाली राष्ट्रिय क्रिकेट टोलीका उपकप्तान ज्ञानेन्द्र मल्ल 'पेमेन्ट गेट-वे इसेवा'को ब्रान्ड एम्बेसेडर बनेका छन् । मल्ल र एफवन सफ्टका अध्यक्ष विश्वास ढकालले सोमबार सम्झौतापत्रमा हस्ताक्षर गर्दै ज्ञानेन्द्रलाई एम्बेसेडर बनाएका हुन् ।
ज्ञानेन्द्रले कर्पोरेट क्षेत्रले खेलाडीको हौसला बनाउन यस्तो गतिविधि सञ्चालन गरेको भन्दै खुसी व्यक्त गरेका छन् । उनी एक वर्षसम्म इसेवाको ब्रान्ड एम्बेसडर रहनेछन् ।
इसेवाले यसअघि क्रिकेट खेलाडी प्रदीप ऐरी, अभिनाश कर्ण, मेहबुब आलमसँग सहकार्य गरेको थियो ।
प्रकाशित: Dec 31, 2017| 18:23 आइतबार, पुस १६, २०७४