धनगढी- कञ्चनपुरको शुक्लाफाँटा नगरपालिकाले चैत १० गते सार्वजनिक बिदा दिने भएको छ।
नगरपालिकाको वडा नम्बर ८ स्थित मणिकाधाम वैजनाथ मन्दिरमा ९ र १० गते लाग्ने मेलाको अवसर पारेर नगरपालिकाले सार्वजनिक बिदा दिएको नगरपालिकाले जारी गरेको सूचनामा उल्लेख गरिएको छ।
नगरपालिकाले आज एक सूचना जारी गर्दै सो दिन नगरपालिका अन्तर्गतका सम्पूर्ण सरकारी कार्यालय र शिक्षण संस्थामा बिदा दिने जनाएको छ।
चैत ६ गते बसेको कार्यपालिका बैठकले बिदा दिने निर्णय गरेको हो।