काठमाडौं- अखिल नेपाल फुटबल संघ एन्फाले नेपाल सुपर लिगको अक्सनका लागि १५८ खेलाडीको तालिका सार्वजनिक गरेको छ। अक्सन भोलि शुक्रबार गर्ने तय भएको छ।
सुपर लिगको पहिलो संस्करणमा देशभरका सात सहरका सात टिमको सहभागिता रहनेछ।
पाँच प्रदेशका सात सहरमा विराटनगर, काठमाडौं, ललितपुर, चितवन, पोखरा, बुटवल, लुम्बिनी र धनगडी छन्। यी सबै फुटबल क्लबहरूमध्ये मार्की खेलाडी घोषणा गर्ने धनगढी पहिलो क्लब हो।
लिगमा एक फ्रेन्चाइज क्लबले बढीमा २० खेलाडी राख्न पाउने छ। जसमा तीन विदेशी, एक मार्की, दुई स्थानीय र बाँकी १४ खेलाडी अक्सनबाट अनुबन्ध हुनेछन्।