काठमाडौं– नेकपा एमाले केपी शर्मा ओली समूहले संसदीय दल बोर्ड गठन गरेको छ।
प्रधानमन्त्री केपी शर्मा ओलीको अध्यक्षतामा बिहीबार बालुवाटारमा बसेको संसदीय दलको बैठकले २४ सदस्यीय बोर्ड गठन गरेको सांसद महेश बस्नेतले जानकारी दिए। विधानमा ३२ जनाकाे बाेर्ड हुने व्यवस्था छ।
यसैगरी बैठकले संसदीय दलको विधान संशोधन सम्बन्धी प्रस्ताव गर्न कार्यदल पनि गठन गरेको छ। कार्यदलमा विशाल भट्टराई, शेरबहादुर तामाङ र विमला राई छन्।
बैठकले गुटगत भेला नगर्न पार्टी बाहेक अरु कसैको निर्देशन नमान्न, आत्मालोचनासहित दल र पार्टीको कार्यक्रममा सहभागी हुन आह्वान गर्ने निर्णय गरेको छ।
सांसद बस्नेतले भने, ‘अन्यथा विधानअनुसार स्पष्टीकरण र काबाहरीको प्रक्रिया आगडि बढाउने निर्णय भएको छ।’