चर्चित गायक शिव परियार आइतबार सवारी दुर्घटनामा परी घाइते भएका छन् । उनको ग्राण्डी अस्पतालमा उपचार भइरहेको छ ।
सामाखुसीको हुन्डाई सर्भिस सेन्टरमा रहेको आफ्नो गाडी हेर्न बा ८० प ९९९८ नम्बरको बाइकमा गएका उनलाई बा ७८ प ८५११ नम्बरको बाइकले ठक्कर दिँदा दाहिने खुट्टामा चोट लागेको छ । उनीसँगै रहेका गायक कर्णराज गिरी पनि सामान्य घाइते भएका छन् ।
अस्पतालको बेडबाट सामाजिक सञ्जाल फेसबुकमा स्टाटस लेख्दै गायक परियारले आफू खतरा मुक्त रहेको बताएका छन् । गायक परियारले आफ्नो स्वास्थ्य लाभको कामना गर्ने सम्पूर्ण सुभचिन्तकलाई धन्यवाद पनि दिएका छन् ।
उनलाई हाडजोर्नीका चिकित्सक डा. बिनोद बिजुक्क्षेले उपचार गरिरहेका छन् । समान्य उपचार पछि गायक गिरी भने अहिले घर फर्कने तयारीमा छन् ।
गायक परियारले आफू सुरक्षित रहेको जानकारी दिँदै सामाजिक सञ्जाल फेसबुकमा लेखेको स्टाटस्
प्रकाशित: Dec 31, 2017| 18:23 आइतबार, पुस १६, २०७४