कञ्चनपुरमा दुर्घटना हुँदा एकजनाको मृत्यु, ६ घाइते 

कैलाली - कञ्चनपुरमा गाडी दुर्घटना हुँदा आज एकजनाको मृत्यु भएको छ। ६ जना घाइते भएका छन्।

पूर्वपश्चिम राजमार्गअन्तर्गत कञ्चनपुरको कृष्णपुर नगरपालिका–५, गुलरियामा म १ ज २४३ नम्बरको गाडी दुर्घटना हुँदा डडेल्धुराको अमरगढी नगरपालिका–५ का ७७ वर्षीय मन्दिरादेवी पन्तको मृत्यु भएको प्रहरीले जनाएको छ। 

दुर्घटनामा गम्भीर घाइते उनको धनगढीस्थित माया मेट्रो अस्पतालमा उपचारको क्रममा मृत्यु भएको हो।

महेन्द्रनगरबाट धनगढी आउँदै गरेको गाडीको पछाडिको बायाँतर्फको टायर पड्किएर दुर्घटना भएको सुदूरपश्चिम प्रदेश ट्राफिक प्रहरी कार्यालय अत्तरियाले जनाएको छ। 

घाइतेको अत्तरियास्थित पद्मा अस्पतालमा उपचार भइरहेको प्रहरीले जनाएको छ।