कला - साहित्य
1619434453.jpg

काठमाडौं– कमल रिजालद्वारा लिखित उपन्यास 'सत्यवती' सार्वजनिक भएको छ। उपन्यास महाभारतको कथामा आधारित छ। साथै उपन्यासमा महाभारतको कथाका माध्यमबाट वर्तमान समयलाई पनि सम्बोधन गरिएको छ।

मूलतः सत्यवती र ब्यासबीचमा भएको संवादमा आधारित उपन्यासले पूर्वीय दर्शनको सार, विशेषता र गूढ रहस्यलाई पिँधसम्म उधिनेर त्यसमा पलाएको विकृति र सामाजिक विसंगतिलाई छिमलेको छ। लेखक रिजालको यसअघि विभिन्न विधाका दर्जनौं पुस्तक प्रकाशित छन् भने सत्यवती उनको चौथो औपन्यासिक कृति हो।

सत्यवती उपन्यासका सन्दर्भमा रिजाल भन्छन्, ‘महाभारतको विषयवस्तुमा टेकेर व्यास र सत्यवतीको संवादलाई पूर्वीय दर्शनको आवरणमा राख्ने प्रयास गरेको छु। बाँकी समीक्षा गर्ने जिम्मा पाठकलाई छाडेको छु।' 

प्रतिक्रिया दिनुहोस्